Нацыянальны Банк Беларусі ўсталяваў мінімальны памер статутнага фонду, які павінен быць сфармаваны ва ўсіх банках краіны. Ён будзе складаць у беларускіх рублях суму, эквівалентную 5 млн.еўра.

Адпаведная пастанова праўлення Нацбанка №127 набывае моц з 27 кастрычніка гэтага года. Дадзены акт распрацаваны дзеля рэалізацыі часткі другой артыкула 75 новай рэдакцыі Банкаўскага Кодэксу Рэспублікі Беларусь.

Патрабаванне мінімальнага памеру статутнага фонду ў 5млн. еўра ў эквіваленце існуе з 2002 года. Прынцыповая ж інавацыя пастановы ў тым, што зараз гэтая норма будзе тычыцца ўсіх банкаў, у тым ліку, створаных у свабодных эканамічных зонах (СЭЗ). Нагадаем, зараз на тэрыторыі краіны дзейнічаюць 30 банкаў, 6 з якіх з’яўляюцца рэзідэнтамі СЭЗ “Мінск”.

Як паведамляе БелТа, аналагічныя нормы ўжо дзейнічаюць ў некаторых краінах бліжэйшага і дальняга замежжа. Падставовым чыннікам існавання гэтых палажэнняў ёсць неабходнасць прадаставіць банкам магчымасць праз павелічэнне ўласнага капіталу (інтэгральнай часткай якога ёсць менавіта статутны фонд) зрабіцца больш устойлівымі да розных фінансавых небяспекаў.