ВЕКСЕЛЬ, ТРАТТА, ПЕРЕВОДНЫЙ ВЕКСЕЛЬ, ПЛАТЕЖНОЕ ПОРУЧЕНІЕ-ТРЕ

[Агент Хвунт]

У папярэдні форуме, сп. Тожа-Госьць закрануў надта цікавую праблему, абмеркаваць якую прапаную ў гэным асобным форуме:

[Master]

[Тожа-Госць]

[Госьць]

Мне здаецца ў вас няма недахопу ў эммоцыях. Наконт вашых канкрэтных прапановаў і заўвагаў

[Тожа-Госць]

Скажыце, як сведка тады, чым трата адрозніваецца ад векселя (пераводнага)?

І што вы думаеце наконт "платежного порученія-требованія"?

І можа прапануеце узяць у беларускую мову такі "міжнародны" расійскі тэрмін як "рахунак-фактура"? Ці можа калі ёсць магчымасць, то трэба ўвесці штосьці менш пафаснае...

Ці можа расейскую "міжнародную" канцэпцыю "неосновательного обогашченія" (думаю яна выключна адпавядае расейскім рэаліям між іншым). Як перакладзем? "Неістотнае узбагачэнне" ці можа усё ж такі безпадстаўнае узбагачэнне?

Ну, можа шмат што прыдумаць ці ўзгадаць. Кааперацыя патрэбна, а не звадкі ў любым выпадку.

[Госьць]

[Агент Хвунт]

Шаноўныя калегі!

Заклікаю Вас да стрыманасьці ў дачыненьнях адно з адным. Дарэчы, гэта шчэ' і няпісаны імпэратыў нашай прафэсіі

Не забываймася: нашая агульная галоўная мэта - абмеркаваньне\выпрацоўка сучаснае праўнае тэрміналёгіі роднае мовухны!

Noblesse oblige!

Дык што рабіцьмем з вэксалямі, тратамі і д.п?

[Stary Yoda]

Цікава, насамрэч!

У Банкаўскім Кодэксе "тратты" (draft) напраўду няма. І маем, значыцца, толькі "переводный вексель" (??? Negotiable/transferable L/E ???). "Тратта" больш вузкі тэрмін, чым "переводный вексель" паводле БК, і можна сказаць де юрэ "тратты" у Беларусі няма. Але яна ёсць ва усім "цілівізаваным" свеце (за каторым нас, як вядома, ніхто не павядзе), і неафіцыйна існуе у банкаўскім ужытку нават у Беларусі, так?

Вексель/Тратта.
Па аналогіі са словамі пэндзаль, рондаль і іншымі, лагічна, што мы мусілі б мець "вэксаль". Дарэчы, "вьексьелль" і гучыць ніякавата. Здэцца у палякаў "вэксэль", думаю у братоў-украінцаў таксама. Больш параўноўваць няма з кім. Можа і праўда, увесці "меніцу", людзі хаця б разумець прыкладна сэнс гэтае паперкі будуць?
"Переводный вексель" (прачытайце дэфініцыю БК) нармальны чалавек аніяк за "вэксаль" не палічыць, і наогул не зразумее, як гэта крэдытор (!) выпісвае "вексель" ад імя дэбітора, паводле каторага дэбітор (!) атрымае абавязак выплаціць утрымальніку вэксаля / адрасату грошы (акцэптаваць вэксаль)! Дарэчы, гэта і будзе "тратта".

Больш сэнсу будзе, калі гэтыя 2 розныя каштоўныя паперкі палічыць за розныя дакумэнты, і не блытаць людзей. Хай сабе асобна будзе "вэксаль" альбо "меніца"(можа "менка", а што? Потым скажам, што беларусы 1000 год таму "вексель" прыдумалі, і нават рэчку і горад назвалі ). А "тратта" павінна быць асобнай юрыдычнай інстытуцыяй. Толькі от тэрмін "трата" дужа падобны на "страта", хаця б з гэтае нагоды слова кепска гучыць, і анічагошанькі не кажа пра сэнс гэтага тэрміна! Англійскае "draft" само за сябе кажа, што яго выпісваюць для кагосьці. Але ідэй наконт "траты" не маю, можа хто што ведае ці падкажа?
_________________
Хай будзе з намі моц!
/Зорныя войны/ (с)

[Алег]

Згодзен са спадаром Ёдай.

Падчас атрыманьня атэстату прафэсiйнага ўдзелька рынку каштоўных папер я ўжо ламаў галаву над пытаньнем "як перакласьцi азначэньнi, якiя тычацца фондавага рынку?" i прыйшоў да высновы, што гэтыя словы павiнны ўжывацца як запазычаныя з iншаземнай. Пагадзiцеся, спадарства, фондавы рынак iснуе не так даўно i ўзьнiк не ў нас. Азначэньнi i практыка iх ужываньня фармавалася не ў нас, а калi мы пачалi вывучаць i спрабаваць ужываць гэтыя iнстытуты ў нас - мы вывучалi iх менавiта такiмi, як iх прыдумалi... карыстуючыся замежным досьведам.

Тут ужо не аднаразова ўзгадвалi ровар (i тут неабходна) - не трэба яго вынаходзiць iзноў. Нi тратта нi вэксаль не з`яўляюцца вынаходкай нi беларусаў, нi ўкраiнцаў, нi палякаў з расейцамi. Асаблiвасьць сучаснай беларускай юрыспрудэнцыi ў тым, што яна ўвабрала ў сябе замежны досьвед (пачынаючы ад рымскага права ... i амаль да кантытуцыйнага права Францыi). Добра, калi нашым продкам былi знаёмы нейкiя прававыя iнстытуты вельмi падобныя да замежных - у такiх выпадках мы маем магчымасьць не толькi аб`яднаць гэтыя досьведы, але i замянiць "замежнае" азначэньна на сваё, роднае.
Калi ж прававы iнстытут цалкам прыйшоў з-за мяжы i мы не маем сваiх, родных, "субстытутаў" - то мы бярэм замежныя азначэньнi i замежны досьвед.

З той нагоды, што азначэньнi iнстытутаў i прыладаў фондавага рынку маюць параўнальна "дзiцячы" узрост i не былi вядомы нашым продкам - таму мы мусiм ужываць менавiта тыя азначэньнi, якiя атрымалi (у дадзеным выпадку: "вэксаль", "тратта" i г.д.)

Зусiм iншая справа, калi азначэньню цi прававому iнстытуту стагоддзi цi болей за тысячу год i калi ён не зьяўляецца выключнай уласьцiвасьцю элiнаў, напрыклад, але быў вынайдзены i нашымi прадзедамi.

Вось такiя разважаньнi.
_________________
З павагай,
Алег К.